반찬앤쿡 Banchan and Cook (時代廣場) (已結業)

早前陪朋友去时代广场买完嘢之后就一齐食午饭，而佢又有商场嘅coupon所以直接系入面揾餐厅，最后就去试咗佢想试嘅Banchan蛋包饭卡邦尼年糕🧀本身好钟意食卡邦尼意粉，但将意粉转咗年糕都无得输呀😋烟韧嘅年糕加埋香浓白汁好惹味，而且都有唔少配料，有冬菇、本菇同烟肉～但注意要尽快食，因为同朋友挂住倾计，之后冻咗啲汁凝固咗就无咁好食啦炖牛肋骨蛋包饭🍳朋友最期待嘅蛋包饭嚟啦👏🏻店员会帮忙先切开只蛋，之后就可以开始食啦～炖牛肋骨啲汁好浓郁配蛋同饭食好夹，而牛肋骨啲肉都炖得好入味好软嫩，同埋鸡蛋好滑又充满蛋香，所以就算佢份量比较大都绝对可以食完韩式蜜糖炸鸡(无骨半份）🍗蜜糖炸鸡味道比想像中更甜，不过炸粉适中唔会好厚，鸡肉都嫩滑有肉汁，但食多几件就觉得有啲腻，而炸年糕香脆嘅外皮加烟韧嘅口感反而好有惊喜，薯条就正常都好香脆。除非好钟意食好甜，否则建议大家可以试其他口味嘅炸鸡环境都好舒服同埋唔会限时要我哋离座，不过上菜速度就有啲慢，肚饿想快啲有嘢食就未必啱啦，但如果想坐耐少少同朋友慢慢食嘢倾计，呢度都系唔错嘅选择