Pizza Maru (已結業)

平时行这里通常都系在近落仕佛台个边揾食，今晚同几个朋友行到这里见到佢，于是入去座下，因有大家最爱嘅韩式炸鸡，同韩式Pizza 选择！餐厅地方阔落，还有大大嘅投影MV wall，不停播放住KPop Mv，当然餐牌上亦有不同选择，炸鸡有半份或全份选择，我就点了半份蜂蜜蒜泥炸鸡6件$119，Pizza 就点了个推介嘅群蟹派对12"$173，另外再加埋个渔夫蕃茄烩海鲜$187，小食加了个韩式手工芝士波$73，这里份量十足，几个人吃绝对足够！最先上枱就系个韩式手工芝士波，外面炸得香脆，内里就道满软滑嘅芝士，小心烫口！跟住就系份蜂蜜蒜泥炸鸡，每件鸡嘅上面都淋满了蜂蜜同蒜泥，入口香脆之余还有香浓嘅蒜泥味，喜欢重口味嘅必选！群蟹派对pizza 大大块，上面放满了材料，有蟹肉，有大虾，有浓郁嘅芝士，薄饼烧得好香脆，加埋入口啖啖蟹肉同大虾，配埋个酱汁入口真系十分好味！另一个渔夫蕃茄烩海鲜，里面充满不同海鲜，有蓝青口、虎虾、带子、鱿鱼，材料十足新鲜，而脆包配上呢个蕃茄汁入口味道就更佳，香脆之余吸收了浓郁嘅蕃茄海鲜酱汁，十分好味！今晚在这里享受到另一番韩式风味！