影片
更多
2018-10-21
69 浏览
之前去韩国好出名食炸鸡嘅Sodam Chicken食过之后，一直都对佢嘅炸鸡念念不忘，最近上网竟然比我发现咗佢喺中环兰桂坊开咗店，于是今日约埋朋友去朝圣一下！间店位置云咸街同埋兰桂坊嘅交界位，都唔算难揾。店舖有两层，楼下𠮶层唔系太多张台，所以我哋被安排咗坐喺2楼。基本上同韩国嘅menu都差不多，只系最少少唔同，而呢度最出名莫过于三重鸡锅套餐🍜，有韩式炸鸡、安东炖鸡同埋春川辣鸡，可以一次过满足3个愿望，试晒唔同口味嘅鸡，不过朋友唔太食得辣，所以最后都无拣，选择散叫其他。首先嚟个芝士炒年糕，芝士味浓郁🧀，有creamy嘅味道，底下仲有少少火腿丝调下味，年糕烟韧弹牙，份量又足。韩式凉拌水冷面🍲：面条爽口，有鸡蛋、红萝卜丝同泡菜，如果怕太辣仲可以要求泡菜分开上。不过如果再冰震啲就会更加正！泡菜猪骨汤乌冬：卖相虽然看似普通，不过猪骨汤味颇浓，猪软骨又够稔，乌冬烟韧弹牙，仲有蟹柳同泡菜，不过同样如果怕太辣，都可以要求泡菜分开上。嚟Sodam Chicken 又点少得重头戏-韩式炸鸡呢🍗🐔，佢都有几款唔同味，有原味、甜酸、蜜糖芥末味，之前喺韩国食过原味，今次试下个蜜糖芥末味炸鸡(无骨)，份量好多，炸
之前去韩国好出名食炸鸡嘅Sodam Chicken食过之后，一直都对佢嘅炸鸡念念不忘，最近上网竟然比我发现咗佢喺中环兰桂坊开咗店，于是今日约埋朋友去朝圣一下！
间店位置云咸街同埋兰桂坊嘅交界位，都唔算难揾。店舖有两层，楼下𠮶层唔系太多张台，所以我哋被安排咗坐喺2楼。
基本上同韩国嘅menu都差不多，只系最少少唔同，而呢度最出名莫过于三重鸡锅套餐🍜，有韩式炸鸡、安东炖鸡同埋春川辣鸡，可以一次过满足3个愿望，试晒唔同口味嘅鸡，不过朋友唔太食得辣，所以最后都无拣，选择散叫其他。
首先嚟个芝士炒年糕，芝士味浓郁🧀，有creamy嘅味道，底下仲有少少火腿丝调下味，年糕烟韧弹牙，份量又足。
韩式凉拌水冷面🍲：面条爽口，有鸡蛋、红萝卜丝同泡菜，如果怕太辣仲可以要求泡菜分开上。不过如果再冰震啲就会更加正！
泡菜猪骨汤乌冬：卖相虽然看似普通，不过猪骨汤味颇浓，猪软骨又够稔，乌冬烟韧弹牙，仲有蟹柳同泡菜，不过同样如果怕太辣，都可以要求泡菜分开上。
嚟Sodam Chicken 又点少得重头戏-韩式炸鸡呢🍗🐔，佢都有几款唔同味，有原味、甜酸、蜜糖芥末味，之前喺韩国食过原味，今次试下个蜜糖芥末味炸鸡(无骨)，份量好多，炸鸡又香又脆，肉质又嫩又滑，啲皮炸到卜卜脆，炸粉又唔会太厚，蜜糖芥末味配合炸鸡非常好味，甜得嚟有少少芥末味中和番， 味道啱啱好！
食完餐饭，我哋两个人都食到捧住个肚仔走，哈哈！真系太满足啦！下次想食Sodam Chicken炸鸡，都唔驶飞去韩国啦~
张贴
