Outdark (飛達商業中心)

营业中

休息中

每次睇韩剧，见到d主角食炸鸡，就会挑起我想食炸鸡既瘾。双拼炸鸡 $192我地叫左个甜辣拼香蒜蜜糖🍯，一上枱，份量好足，佢仲有薯格同扭纹粗形薯条。炸鸡都嫩滑，酱料都多，基本每一啖肉都食到酱料既味道。最重要就系无骨，岩哂我呢d懒人唔驶吐骨。甜辣就唔算好辣，配合番香港人既口味。烤牛肉炒粉丝 $98佢个粉丝好爽口，而且上枱时d粉丝唔会变成一饼野咁。牛肉份量都唔少，配埋韩国麻油，好香，但又唔会好油腻既感觉。Blue Lemon Ade & Grapefruit Ade $34杯Blue Lemon感觉就系一杯柠檬🍋梳打，上枱系蓝色，好靓。Grapefruit就系一杯西柚梳打，都可以，唔算太甜。前菜（酸萝卜、酱油、酱汁）佢几贴心，上枱既前菜碟会有你炸鸡点既酱汁，等你食炸鸡时，唔够酱汁时可以点。一边食炸鸡一边食酸萝卜，可以解下热气既感觉同消滞，而且同韩国一样，可以Encore前菜。佢张擦擦卡🔴🔺🟥设计配合番近排个套热门韩剧🦑，每人一张，睇下自己擦中咩优惠。我地就中左两杯免费饮品，下次黎食可以用。