喜來稀肉 (已結業)

韩烤来讲几钟意呢间，因为佢食物水准高，而且座位阔落又有气氛。疫情关系，枱与枱之间隔得好远，令大家食得更放心两个人点两份肉，加埋韩餐必备的泡菜小食，话咁快已经成枱都系了。真雪花牛肉 $208点了一个靓牛，雪花分布好平均，烧起来真系特别香，充满牛油味。唔怕生的朋友，牛肉两面煎一煎，变色之后食就好好味，口感更加好。生菜、生蒜、泡菜等食完可以潻加，用嚟包肉食冇咁油腻。五花肉 $123贵为韩国人最爱的五花肉，果然有佢嘅魅力。咪睇佢个样肥嘟嘟，其实佢肥瘦相间，烧起上来都几香架。首先烧佢两面，逼走D肥油。烧到七成熟左右，就可以剪成一件件。再烧多一阵，变成金黄色就食得啦！少少脆口，又juicy, 包菜好好食。生米酒 $90韩国生米酒，好有特色的饮品，香港唔系周围有得饮架。米味香浓，甜甜地，酒精唔算重，似汽水咁好易入口。正架！亦有烧肉套餐，好吸引，下次试试。