炑八韓烤 (青衣城1)

营业中

休息中

依期大热嘅真人版鱿鱼游戏，估唔到连餐厅都有promotion，未食呢个鱿鱼游戏set已经有紧张又刺激啦。喺OpenRice预订呢个鱿鱼游戏set仲有88折优惠，计落真系平好多㗎，大家千祈唔好错过呢个优惠。前菜方面，有沙律之余仲有啲韩式小食，店员仲话俾我哋听，韩式小食食完仲可以refill架，连炉侧边嘅芝士粟米同埋泡菜鸡蛋都可以啊，实在太好啦。跟住嚟咗两杯红灯绿灯沙冰，绿色系蜜瓜味，够晒冰凉，仲有啲红色一条条嘅粉条喺入边，卖相吸引之余仲增加左口感。到主食方面，仲有好多唔同嘅选择，咪睇落好似得好少，实际上两个人都真系食唔晒呀，饱到上心口。肉质方面，油脂分布好平均，而且好新鲜好靓，口感唔错。当然唔少得主角鱿鱼🦑啦😂最后仲点咗雪糕呀，块椪饼仲有游戏入边嘅花纹喺度，有得食之余又有得玩，可惜我挑战失败，整烂咗块椪饼噜。呢间餐厅，攞咗鱿鱼游戏嘅热潮嚟做主题，都几得意几好玩，可以去帮衬吓感受吓游戏入边嘅刺激体验。