影片
更多
2017-09-28
2699 浏览
呢间位于元朗剧院附近嘅韩舍， 屹立喺元朗区已经多年， 深得附近嘅街坊爱戴， 主打平靓正嘅韩式烧烤， 除咗自己落手烧之外， 重推出咗放题， 二百零蚊可以任饮任食， 认真抵食。呢度嘅韩烧炉都几特别， 中间嘅铁板主要系用来烧肉， 餐厅亦细心咁预备好牛油纸， 令到食物冇咁易黐底， 咁就唔使食咁多黑色炭焦， 又唔使落咁多油， 食得较健康。 另外侧边嘅四个凹槽， 分别系放有泡菜煎蛋， 芝士粟米， 同埋泡菜汤， 前者可以作为小食， 而汤就可以用来泡蔬菜， 咁就可以做食肉兽之余，食番啲蔬菜平均一下。先讲下呢度嘅熟食， 食物种类都算丰富， 估唔到仲有猪脚姜， 猪脚姜甜酸得宜， 猪脚充满骨胶原， 炆得够淋， 姜醋蛋亦非常入味， 出奇地出色。另外亦有寿司区域， 寿司种类虽则唔算太多， 但质素亦相当唔错， 细细件唔会太多饭， 腐皮中华沙律军舰馅料够足， 火焰三文鱼卷卖相亦唔差， 令人忍唔住都食多几件。另外亦有过十种嘅热食， 金黄色嘅南瓜焗薯蓉， 虽然睇落平凡， 但食落香味十足， 充满牛油香气， 口感亦够滑溜， 媲美得住西餐厅嘅出品， 令人有惊喜。除咗西式食物之外，仲有川味嘅水煮鱼， 水煮鱼够麻香， 虽然味道唔
呢度嘅韩烧炉都几特别， 中间嘅铁板主要系用来烧肉， 餐厅亦细心咁预备好牛油纸， 令到食物冇咁易黐底， 咁就唔使食咁多黑色炭焦， 又唔使落咁多油， 食得较健康。 另外侧边嘅四个凹槽， 分别系放有泡菜煎蛋， 芝士粟米， 同埋泡菜汤， 前者可以作为小食， 而汤就可以用来泡蔬菜， 咁就可以做食肉兽之余，食番啲蔬菜平均一下。
先讲下呢度嘅熟食， 食物种类都算丰富， 估唔到仲有猪脚姜， 猪脚姜甜酸得宜， 猪脚充满骨胶原， 炆得够淋， 姜醋蛋亦非常入味， 出奇地出色。
另外亦有寿司区域， 寿司种类虽则唔算太多， 但质素亦相当唔错， 细细件唔会太多饭， 腐皮中华沙律军舰馅料够足， 火焰三文鱼卷卖相亦唔差， 令人忍唔住都食多几件。
另外亦有过十种嘅热食， 金黄色嘅南瓜焗薯蓉， 虽然睇落平凡， 但食落香味十足， 充满牛油香气， 口感亦够滑溜， 媲美得住西餐厅嘅出品， 令人有惊喜。
除咗西式食物之外，仲有川味嘅水煮鱼， 水煮鱼够麻香， 虽然味道唔算太辣， 但起码食小辣嘅朋友都可以食到， 而且鱼肉够滑溜， 又冇骨， 够晒惹味，唔错。
另外讲下呢度嘅韩烧食品， 肉类嘅选择都算多， 猪肉类有 猪柳条、金沙骨、猪颈肉、香茅猪扒等， 肉类腌得够味， 味道选择都算多， 猪肉嘅口感都算扎实， 最钟意就系厚切嘅猪颈肉， 咬落够晒爽口弹牙。
另外牛肉类我就推介原味牛肉， 牛肉唔算落得太多松肉粉， 咬落都有质感， 消耗之后可以用生菜包住牛肉嚟食， 另外加啲蒜头同泡菜， 成件事就更加有韩式风味啦。
假如大家想食到质素较为高嘅牛肉， 就可以另外单点日本和牛排或者美国安格斯牛小排啦。 相信质素一定畀烧烤嘅牛扒高得多。
最后讲埋甜品啦， 呢度嘅甜品种类都有成十几款， 甜品雪柜里面有一杯杯嘅啫喱、奶冻、木糠布甸等， 细细杯， 啱晒我呢啲又想试晒， 但又怕肥嘅人啦。
另外仲有芒果班戟同芒果糯米糍， 芒果班戟略嫌太多忌廉， 如果可以多番啲芒果肉，咁就perfect池喇。
总括而言， 200蚊可以食足两个几钟， 又可以满足烧烤嘅欲望， 又有简单嘅buffet， 无论大人定细路都一定会钟意。 宵夜时段同早饭时段价钱仲平啲添， 元朗嘅街坊不妨可以试下。
张贴
