影片
更多
2015-04-01
3812 浏览
都有成个几月冇食韩烧啦！今次朋友介绍，带左我去尖沙咀既韩流村，入到去装修好简单，感觉好似好岩年轻人聚会既地方。枱面上有呢d前菜，洋葱同蒜片应该系加入生菜同肉包住食，断估唔会空口就咁食挂 (笑)我地加左10蚊鸡芝士，嗱...唔好以为10蚊好少芝士啊，其实都好多架，加埋蛋酱...想像到嘛？芝士控一定劲中意啰 (^_-)我个人觉得个蛋半生熟，芝士又溶左果时食最好，又香奶同芝士味，又滑㖞！想香口d就等多阵，又会有唔同味道架，不过我建议大家快d食哂，因为d烧肉既油会流到去d蛋到，到时就食到一口油架啦，仲肥上加肥添 (爆)老老实实，全晚我最欣赏系呢碟腌左既牛排骨，肉质好嫩，虽然腌过，但牛味冇被腌料盖过，好正啊！加d面豉酱，用生菜包住食，感觉冇咁油腻，可以食多d肉，唔用菜包住好快饱架，呢个牛肉肉质好嫩好香牛味，推介 (￣∇￣)另外又点少得五花腩吖，一层肥一层瘦，烧到佢d油出左，d皮脆脆的烟烟unun的，点麻油唯盐一流。黑毛猪脖肉，即系猪既颈同膊头之间既肉，成块猪扒咁啰，唔好以为咁厚要烧耐d啊！要烧到刚好熟有d金黄色就食得架啦，过左火会好干好硬，烧得岩时间既话肉质好林同好juicy架 (^_-)另外仲
都有成个几月冇食韩烧啦！今次朋友介绍，带左我去尖沙咀既韩流村，入到去装修好简单，感觉好似好岩年轻人聚会既地方。
枱面上有呢d前菜，洋葱同蒜片应该系加入生菜同肉包住食，断估唔会空口就咁食挂 (笑)
我地加左10蚊鸡芝士，嗱...唔好以为10蚊好少芝士啊，其实都好多架，加埋蛋酱...想像到嘛？芝士控一定劲中意啰 (^_-)
我个人觉得个蛋半生熟，芝士又溶左果时食最好，又香奶同芝士味，又滑㖞！想香口d就等多阵，又会有唔同味道架，不过我建议大家快d食哂，因为d烧肉既油会流到去d蛋到，到时就食到一口油架啦，仲肥上加肥添 (爆)
老老实实，全晚我最欣赏系呢碟腌左既牛排骨，肉质好嫩，虽然腌过，但牛味冇被腌料盖过，好正啊！
加d面豉酱，用生菜包住食，感觉冇咁油腻，可以食多d肉，唔用菜包住好快饱架，呢个牛肉肉质好嫩好香牛味，推介 (￣∇￣)
另外又点少得五花腩吖，一层肥一层瘦，烧到佢d油出左，d皮脆脆的烟烟unun的，点麻油唯盐一流。
黑毛猪脖肉，即系猪既颈同膊头之间既肉，成块猪扒咁啰，唔好以为咁厚要烧耐d啊！要烧到刚好熟有d金黄色就食得架啦，过左火会好干好硬，烧得岩时间既话肉质好林同好juicy架 (^_-)
另外仲有猪皮，其实我唔系好热爱食猪皮，不过都试左几块仔，店员话点黄豆粉食，我唔中意啰，感觉实在好怪又唔好食，我都系点辣酱+麻油正好多 xddd
打卡或赞好会free饮品，我地就free左梨汁同乌龙茶啦，2人埋单600几，都唔算好贵，中价位晚餐啦！最唔好就系抽油烟唔够强，食完全身加头发都好劲油烟味，臭到爆灯 ~~~
张贴
