韓牛韓式燒烤 (已結業)

平时最钟意揾D任食任饮既食肆, 一个价钱可以钟意食几多都得.黎开旺角买野, 醒起呢度有任食韩烧, 价钱唔贵, 坐得又舒服.生熟食物自助任拎, 饿得济先拎左熟食, 除左寿司, 鱼生, 前菜果D, 仲有炒蚬, 煎饼, 炸鸡翼果D.谂住熟食无咩期望, 出奇地唔错, 炒蚬果D够晒味, 又够热.至于生肉种类都好多, 牛肉, 猪肉, 鸡肉都有.肥牛片脂肪比较多, 但入口唔算太油, 仲好软嫩. 牛仔骨烧左一轮都唔会韧, 烧到离晒骨, 好易食.五花腩片烧到金黄, 脆卜卜, 都唔错, 唔会太干.仲有鸡肾唔会太厚, 烧完好爽口易食.食食下先知原来无时限, 不过实在太饱, 下次会再黎.