Running 燒 (已結業)

食物选择都几多，海鲜有带子、扇贝、芝士山蚝、虾、鱿鱼等。带子、虾同鱿鱼都几好，肉质都几结实。最特别系咖哩鱿鱼须都有得烧😋肉类方面齐晒牛、猪、鸡、羊。今晚集中食牛，有各种不同部位，自己比较钟意牛舌，juicy 味道浓郁。西冷都唔错，都算几大件但唔韧，有牛味。蔬菜有金菇、南瓜、茄子…另外叫咗生菜篮，份量唔少，啲菜新鲜爽脆，加埋泡菜，自制韩式生菜包，食多几嚿肉都唔会腻👍🏻饮品都唔少款式，除咗一般汽水盒装茶，还有jolly shandy、乳酸饮品同芦荟饮品。等紧海鲜既时候试咗啲熟食，味道几好，炸物都系热辣辣同埋唔会油立立。钟意炸鱿鱼须，一啲都唔韧，炸衣好脆。柚子炸鸡酸酸甜甜几开胃，韩式炸饺子外皮唔硬馅料同市面急冻货差唔多。另外，水冷面够冻，食落带点酸甜，感觉清凉😌职员热心主动问要唔要换铁板，啲油烟都抽得快。最后食埋甜品，蜜瓜雪条，正！整体感觉几好，上菜速度快，熟食味道唔错。