影片
更多
2021-06-12
171 浏览
帮朋友搬屋，执拾完后，友人话要请我吃顿晚餐，去咗佢新居附近呢间「炑八韩烤」。餐厅位于彩明商场，店内地方颇大，环境阔落舒服，装潢以银白色和浅灰色为主调，柔和的灯光配搭韩国设计风格，韩味十足。先翻阅餐牌，食物选项十分丰富，除咗有好多款唔同组合嘅烧肉套餐，另外亦有韩式定食、部队锅、炸鸡等可供选择。我哋点咗个 Thick Cut Beef Rib-eye Set ($498)，个套餐阵容都几强劲，有厚切带骨肉眼、酱油五花肉、大墨鱼、梨汁鸡翼、猪皮同葱蒜牛五花，应该够晒两人享用，所以都无再点其他食物，只系加配咗两杯梳打。点完餐后，店员随即为我俩送上沙律、生菜、前菜和酱料，并在炉边坑位分别注入了泡菜、蛋浆和粟米芝士。几款前菜味道都唔错，各有特色，尤其是喺泡菜，辣度轻盈又够爽脆，好啱我口味。件带骨肉眼真系超吸引，睇下几大块，件头十足，目测有 1.2-1.5cm 厚，几乎大过我块面。虽然咁大块又厚身，但食落肉质一啲都唔嚡，而且仲满有肉汁，唔会干争争，柔嫩又有脂香。墨鱼面头𠝹咗花，肉质鲜美爽脆，烧后更有咬口。梨汁鸡翼肉嫩香甜、猪皮烤香后唔会好油腻，质感软软的，胶质很重，每一口都充满骨胶原。牛五花肉质坚韧
帮朋友搬屋，执拾完后，友人话要请我吃顿晚餐，去咗佢新居附近呢间「炑八韩烤」。
餐厅位于彩明商场，店内地方颇大，环境阔落舒服，装潢以银白色和浅灰色为主调，柔和的灯光配搭韩国设计风格，韩味十足。
先翻阅餐牌，食物选项十分丰富，除咗有好多款唔同组合嘅烧肉套餐，另外亦有韩式定食、部队锅、炸鸡等可供选择。
我哋点咗个 Thick Cut Beef Rib-eye Set ($498)，个套餐阵容都几强劲，有厚切带骨肉眼、酱油五花肉、大墨鱼、梨汁鸡翼、猪皮同葱蒜牛五花，应该够晒两人享用，所以都无再点其他食物，只系加配咗两杯梳打。
点完餐后，店员随即为我俩送上沙律、生菜、前菜和酱料，并在炉边坑位分别注入了泡菜、蛋浆和粟米芝士。几款前菜味道都唔错，各有特色，尤其是喺泡菜，辣度轻盈又够爽脆，好啱我口味。
件带骨肉眼真系超吸引，睇下几大块，件头十足，目测有 1.2-1.5cm 厚，几乎大过我块面。虽然咁大块又厚身，但食落肉质一啲都唔嚡，而且仲满有肉汁，唔会干争争，柔嫩又有脂香。
墨鱼面头𠝹咗花，肉质鲜美爽脆，烧后更有咬口。梨汁鸡翼肉嫩香甜、猪皮烤香后唔会好油腻，质感软软的，胶质很重，每一口都充满骨胶原。
牛五花肉质坚韧又富弹性，夹埋葱蒜一齐食，好惹味。五花肉肥瘦匀称、厚度适中，加上以酱油腌过，入味又多汁，用生菜包住嚟食，简直系绝配。
套餐加配炑八梳打，每杯都只系 $20，非常抵饮，点咗菠萝梳打同荔枝梳打各一，两杯饮品都好正，清新怡人，冰凉透顶，饮完真系爽到爆。
张贴
