影片
更多
2022-11-21
145 浏览
约左个好耐无见嘅旧同事食晏，唔想行太远，近近哋去左公司附近呢间新开嘅「一韩烧」。餐厅装潢有别于一般韩烧店，环境宽敞阔落，座位非常舒服，入面完全无油烟味。店内有一大幅油画墙壁，色彩缤纷，充满童趣，嚟打卡一流。先细看餐牌，餐厅有套餐供应，当然亦可以散点。套餐选择很丰富，共有 11 款，大部份都会包白饭、韩风汤、前菜或沙律。我哋每人点左一个餐，另外再追加左几款肉。韩式菜包黑毛猪五花 ($67) 呢个系生酮餐，唔跟白饭，但就会配有生菜、包肉酱、洋葱、蒜片、泡菜、青辣椒、迷你沙律同韩风汤，一于饱住瘦身。黑毛猪五花肉味非常浓郁，肥瘦比例均称，烧过后肉质爽口又不肥腻，点埋个酱汁，再用生菜包住嚟食，味道更加清新。牛小排拼横膈膜肉 ($162) 牛小排油花绵密均匀，肉质柔软鲜嫩，入口香味四溢。横膈膜肉味道亦唔错，肉质细嫩，而且劲多肉汁，牛味越食越出。至于单点嘅肉类就拣左：黑毛和牛A4牛肩胛 ($70)、黑毛和牛A4肉眼盖 ($50)、牛板腱 ($48) 同 美国牛仔骨 ($41)。两款和牛嘅牛味都好重，牛肩胛油脂分布适中，烤 7 成熟啱啱好。肉眼盖味道亦相当讨好，一放入口就已经感受到油香，绝对系味觉
约左个好耐无见嘅旧同事食晏，唔想行太远，近近哋去左公司附近呢间新开嘅「一韩烧」。
餐厅装潢有别于一般韩烧店，环境宽敞阔落，座位非常舒服，入面完全无油烟味。店内有一大幅油画墙壁，色彩缤纷，充满童趣，嚟打卡一流。
先细看餐牌，餐厅有套餐供应，当然亦可以散点。套餐选择很丰富，共有 11 款，大部份都会包白饭、韩风汤、前菜或沙律。
我哋每人点左一个餐，另外再追加左几款肉。
韩式菜包黑毛猪五花 ($67) 呢个系生酮餐，唔跟白饭，但就会配有生菜、包肉酱、洋葱、蒜片、泡菜、青辣椒、迷你沙律同韩风汤，一于饱住瘦身。
黑毛猪五花肉味非常浓郁，肥瘦比例均称，烧过后肉质爽口又不肥腻，点埋个酱汁，再用生菜包住嚟食，味道更加清新。
牛小排拼横膈膜肉 ($162) 牛小排油花绵密均匀，肉质柔软鲜嫩，入口香味四溢。横膈膜肉味道亦唔错，肉质细嫩，而且劲多肉汁，牛味越食越出。
至于单点嘅肉类就拣左：黑毛和牛A4牛肩胛 ($70)、黑毛和牛A4肉眼盖 ($50)、牛板腱 ($48) 同 美国牛仔骨 ($41)。
两款和牛嘅牛味都好重，牛肩胛油脂分布适中，烤 7 成熟啱啱好。肉眼盖味道亦相当讨好，一放入口就已经感受到油香，绝对系味觉嘅一大享受。
牛板腱肉色鲜红明亮，食落既有肉嘅原味又充满油香，入口即化。牛仔骨肉香十足，质感爽嫩有咬劲。
另外仲点左 2 款饮品：柑蓝白桃梳打 ($28)、红柚荔枝梳打 ($28)，2 杯嘅造型都劲抢眼，最啱影相呃 Like，而且味道都好 fresh，食完韩烧饮，真系好舒畅！
本来仲想点甜品，可惜平日要晚市 6pm 先开始有得供应，下次要校啱时间再嚟过。
张贴
