Running 燒 (已結業)

今次食呢间韩式烧肉，系用网烧，并唔系用炉烧，所以可以大火将啲肉烧到焦香香脆，所以本人比较钟意食网烧。饮品佢嘅选择都唔少，有糖无糖有汽无汽一应俱全，仲有热饮提供。酱汁方便就有蒜蓉烧汁韩式酱汁泰式酱汁等等。食完之后仲会有韩国牌子嘅melon雪条提供。有两款食物特别想推介，就系炸物，餐厅提供嘅熟食有炸鸡同埋炸鱿鱼须等等，佢哋都系即叫即整，所以上枱嘅时候热辣辣而且好香脆，炸鸡外表酥脆内里仲可以保持到非常嫩滑，鱿鱼须亦都好惹味。