梨滿園韓國料理

营业中

休息中

今日下午去沙田科学园放低啲文件，然后可以直接放工，约咗个喺中大返工嘅朋友聚一聚食个晚饭。科学园泊车好方便，商场内外都有各类特色餐厅，朋友推介《梨满园韩国料理》任食吃到饱。餐厅位于P4停车场玻璃门入商场位置，科学园地方大，餐厅楼底都非常高，地方宽敞，坐得舒适。先来个刺身，款款都新鲜，个人喜欢三文鱼，丰富鱼油好有益。有啲肚饿叫咗个牛肉石锅饭，热辣辣香喷喷，卖相都好吸引，即刻有得食，两个人share，留肚食肉，韩烧一定会提供唔同嘅餐前腌菜及生菜(包住烧烤好的肉一起吃），呢度嘅泡菜都唔错，肉类每样都叫咗啲，牛肉质算中上，有一些是腌制的，烤好不用加味，其他主要是薄切，烤一阵香香的就食得，有我的至爱牛舌，一定要点，薄薄地，轻轻烧熟两面，好爽滑，牛舌嘅味道冇其他部位可以取代，正啊！海鲜点咗半壳元贝、生蚝及大虾，叫咗个煎饺子，香脆可口，美味。饮品柜提供各款饮料，任饮。整体上食物质素唔错，店员服务态度也非常友善，下次带多啲屋企人嚟试多次。