BBQ 7080 (已結業)

最近次次约亲朋友食饭都离唔开韩烧。今次试左依间系山林道尾既7080，6点就到所以都即刻有位。三个人叫左个猪拼盘，一个已调味既牛，鸡肾，杂菇。同埋我最爱既人参鸡，依排去亲韩国餐厅都必叫，唔知系咪见我地三个人食，连鲍鱼都有三只，超抵食!依个已调味既牛都唔错，非常入味，店员好细心咁过黎教我地将件肉夹生菜再加泡菜食，果然比剩食肉味道更多层次，不过个肉好似未溶晒雪，夹开时有少少难度，好彩有店员帮手烧haha而猪拼盘同鸡肾味道都唔错，鸡肾总好多，烧极都烧唔完咁。烧肉再加韩beer，非常perfect既一晚!