新麻蒲 BBQ (波斯富街) (已結業)

以前食韩烧系有几多食几多，唔理食物质素，因为哩类韩烧比较平。但而家发现有啲韩烧餐厅唔止食物质素有保证，价钱仲好合理。我上星期同女朋友去咗新麻蒲BBQ食，好钟意入面好多卡位，私人空间非常足够。值得一提嘅系餐厅既一部份系韩国人，但佢哋嘅英文都好好，会一路guide住你点烧，我先知原来烧牛肉要加块厚板先烧，其余牛肋排五花肉就直接用个网烧。佢哋提供嘅小菜真系令人叹为观止，又有海带又有沙律又有泡菜，味道仲要唔错。食完啲比较清新既小菜系时候食烤肉啦！我地叫咗个牛肉套餐，主要有霜降牛肉、牛肋排、五花肉，一啲配料同部队锅。我哋有底层烧起，首先系五花肉，非常香口，脂肪比例平均。然后就系将个霜降牛肉同牛肋排，各有各特色，霜降牛肉无咩筋，肉质相当幼嫩，烧到外皮香脆更正。牛筋排牛味较重。最后就系一啲配菜，有蘑菇，香肠、大虾和年糕。份量出乎意料地多，味道一流。未完架，套餐仲有一个部队锅，汤底泡菜味好浓，唔太辣，配料亦都好足够，公仔面加上年糕、金菇、午餐同肉肠仔，两个人食埋个部队锅真系好饱。以后想食韩烧一定会再嚟新麻蒲BBQ。