堅韓牛韓燒放題 (已結業)

女友人话想食韩国烧烤 又见到依度有韩牛 梗系要来试一试。 餐厅格局同一般韩式烧烤一样，但有趣嘅系韩烧完仲可以食埋火锅。 仲唔一次过满足晒两个愿望。仲有酒精饮品都有免费任饮。坐低之后餐厅职员好快就递上Menu，入边有好多唔同嘅选择，唔同嘅牛肉啦猪肉鸡肉海鲜，仲有热食。一坐低其实佢都会摆低一韩牛拼盘，但系呢个就冇得追加嘅，牛肉超级高质，好重牛肉味，入口即溶。 任食嘅其实质素都唔错，选择有好多，所有肉类都腌得好入味。一开始我哋食咗一啲韩式腌菜，之后就开始食肉类海鲜类，最后食埋雪糕真系好满足。职员服务都好好久唔久就会问我哋有冇需要换过炉。饮品方面佢除咗有一般嘅罐装饮品，亦都有一啲一支支嘅茶类饮品，当然仲有酒精饮品。