影片
更多
2023-05-10
2133 浏览
餐厅总共有3个level嘅韩烧放题，我地拣咗level 2嘅体验和牛套餐。唔洗比太贵就食到和牛，啱哂啲想食和牛又食唔到好多嘅人！一开始佢就上咗碟和牛拼盘体验吓先🥩， 分别有美国牛颈脊，A4和牛肉眼盖，澳洲M9和牛西冷。3款嘅油脂都分布得好均匀🧈，入口即溶而且牛味重，非常出色🤤。喺放题方面，食物选择种类非常多，除咗烧嘅食物外，仲有刺身炸物沙律等。因为主要想烧嘢食，刺身只点咗3款试吓，三文鱼鲜甜肥美🐟，甜虾都唔错🦐，仲磋啱心心形状同花之恋。安格斯牛板腱同一口牛系牛类中最出色👍。牛板腱牛味好重，油脂都分布均匀，烧完肉质嫩口又多汁💦。一口牛望落冇咁多脂肪，但完全唔会韧或者鞋，食落都系肉质嫩滑弹牙多汁。肥牛片半肥瘦，充满油香味。安格斯肉眼扒大块到不得了，比脸仲要大，适合Share。呢个和牛套餐仲有得食海虾🦐同帆立贝，虾非常新鲜，食落爽口弹牙，而且大大只，好有咬口。串烧有5款🍢，爆脆墨鱼咀喺放题入边比较少见🐙，食落爽口。炭烧鸡串啲鸡肉好滑🐥，配埋烧汁好好味。鸡皮串烧一路烧一路滴油，烧完几脆口。黑松露金菇一上枱就已经闻到好大阵黑松露味，如果钟意食黑松露就啱晒🍄。炸物方面 ，榴梿炸弹同番薯波波🍠都系放
一开始佢就上咗碟和牛拼盘体验吓先🥩， 分别有美国牛颈脊，A4和牛肉眼盖，澳洲M9和牛西冷。3款嘅油脂都分布得好均匀🧈，入口即溶而且牛味重，非常出色🤤。
喺放题方面，食物选择种类非常多，除咗烧嘅食物外，仲有刺身炸物沙律等。因为主要想烧嘢食，刺身只点咗3款试吓，三文鱼鲜甜肥美🐟，甜虾都唔错🦐，仲磋啱心心形状同花之恋。
安格斯牛板腱同一口牛系牛类中最出色👍。牛板腱牛味好重，油脂都分布均匀，烧完肉质嫩口又多汁💦。一口牛望落冇咁多脂肪，但完全唔会韧或者鞋，食落都系肉质嫩滑弹牙多汁。肥牛片半肥瘦，充满油香味。安格斯肉眼扒大块到不得了，比脸仲要大，适合Share。
呢个和牛套餐仲有得食海虾🦐同帆立贝，虾非常新鲜，食落爽口弹牙，而且大大只，好有咬口。
串烧有5款🍢，爆脆墨鱼咀喺放题入边比较少见🐙，食落爽口。炭烧鸡串啲鸡肉好滑🐥，配埋烧汁好好味。鸡皮串烧一路烧一路滴油，烧完几脆口。
黑松露金菇一上枱就已经闻到好大阵黑松露味，如果钟意食黑松露就啱晒🍄。
炸物方面 ，榴梿炸弹同番薯波波🍠都系放题常见食物，应该都系即叫即炸，炸到皮脆内软。另外仲有日式芝士年糕，感觉佢比一般芝士年糕厚，入面有满满浓郁嘅芝士🧀，好邪恶。
水果方面有橙同菠萝🍊，菠萝好甜，钟意食烧菠萝嘅话，仲可以放落去烧吓，感觉上烧完好似更加甜🍍。
甜品就可以系出面攞雪糕🍨，亦可以叫迷你泡芙，用甜品作结。
张贴
