LAB10 (裝修中)

同朋友系朗豪坊睇完戏，俾呢间门口有卖果汁既韩国餐厅吸引咗，感觉好清新，入到去见系食韩烧既，就试下佢。佢啲炉烧系唔会有烟～首先叫咗个小食，韩式煎饺子($38)，一份有五只，都几好食，朋友几钟意。见到佢有个二人份有七个部份既件都系$198，见几抵食就叫咗呢个，大部份部份每个人都可以食到两块，啲部位有牛舌、牛肋条、西冷、后复、牛板腱、竹小排同牛柳粒等等，份量都唔少，食落去都几新鲜，唔错。朋友都话食韩烧除咗要食牛，仲要食五花肉($130)，除咗啲菜之外，比较特别既仲有佢会俾三个酱你，有生姜苹果酱、生姜菠萝酱同青柠酱，自己最钟意个苹果酱，食落去都几特别。系门口见到已经好想饮佢地既果汁，我就叫咗个Captain Lab($35)试下先，有热情果、奇异果、橙同蜜糖，听讲系无加糖既，几fresh。另外朋友就叫咗呢个西柚梳打($28)，因为佢话几好饮又唔甜，我之后都要多一个青柠梳打($28)，好清新好好饮。