新麻蒲 BBQ (波斯富街) (已結業)

呢晚来到韩国BBQ No.1嘅新麻蒲。两个女仔，吃D咩好呢？本身俩个人都有共同的喜好～酱油蟹，咁来到韩式餐厅，点都要点呢一味𩠌㗎，净系睇个餐牌，已经好兴奋，而178蚊嘅价钱又不算贵㖞而呢间餐厅本身主打Barbecue，咁冇理由不叫D嘢烧吓，于是又点了一份新麻蒲五花腩，再叫份凉面，够喇够喇。睇吓啱上枱嘅酱油蟹，都几大只，比想像中大，又饱满又多膏，流晒口水吖D蟹肉系透明的，同平时吃熟蟹时嘅白色蟹肉完全不同，送入口感觉D胶质就咁慢慢被吸收，好满足。凉面送到枱面时D面喺最底面，跟住铺上层梨切片，然后再有半个蛋喺最上面，店员好细心地等我哋影咗相后先至帮我哋剪开D面，方便我哋享用，面好好吃，𠮶质感介乎爽同qq嘅𠮶种感觉，我哋俩人一致赞好五花腩同埋前菜也一样吸引，始终BBQ系佢哋最强，腩肉肥，瘦均匀相间，油香而不腻。