影片
更多
2020-02-19
120 浏览
近日因为香港疫情令我唔开心，突然好想食烧肉，我记得有朋友介绍韩舍都唔错，我就走去试吓啦！首先见到门口有好多promotion嘅餐可以选择，我就拣咗平日晚市$155个套餐！环境够宽敞，我坐喺卡位，旁有一个水缸，原来系用嚟放活虾🦐，内𥚃啲虾好生猛！由于系烧肉放题，我就出去攞我想食嘅烧肉，一出到去就见到有个甜品柜，有好多甜品选择，有木糖布甸、芝士蛋糕、葡挞、椰挞、泡芙等，仲有水果🍉🍊呀！除咗甜品区外，仲有腌菜、寿司🍣、鱼生同埋有几款热盘以供选择！旁边原来有自助汽水机同清酒任饮，最特别系有洛神花茶解渴去油腻！正呀🤩！仲有啤酒任饮！酱汁有十几款选择，好窝心😍！旁边仲有人参鸡汤同糖水，好滋润呀！烧肉区有唔同款式嘅烧肉，牛猪羊鸡鱼当然唔少得，仲有鱿鱼🦑、鸡肾、鸡皮串等，种类繁多！而且有好几种腌法，唔错！除咗有肉类，有不同嘅蔬菜以提供烧烤，有粟米🌽茄子🍆车厘茄🍅韭菜等！最特别系韩舍提供章鱼小丸子机同夹饼🧇机，可以俾一家大细又玩又食👨👩👦👦除咗有呢两部机之外门口有一部爆谷🍿机、炒雪糕🍨机同棉花糖机！唔知以为我去咗酒店食buffet，估唔到咁有惊喜！至于食物方面
首先见到门口有好多promotion嘅餐可以选择，我就拣咗平日晚市$155个套餐！环境够宽敞，我坐喺卡位，旁有一个水缸，原来系用嚟放活虾🦐，内𥚃啲虾好生猛！
由于系烧肉放题，我就出去攞我想食嘅烧肉，一出到去就见到有个甜品柜，有好多甜品选择，有木糖布甸、芝士蛋糕、葡挞、椰挞、泡芙等，仲有水果🍉🍊呀！
除咗甜品区外，仲有腌菜、寿司🍣、鱼生同埋有几款热盘以供选择！旁边原来有自助汽水机同清酒任饮，最特别系有洛神花茶解渴去油腻！正呀🤩！仲有啤酒任饮！酱汁有十几款选择，好窝心😍！旁边仲有人参鸡汤同糖水，好滋润呀！
烧肉区有唔同款式嘅烧肉，牛猪羊鸡鱼当然唔少得，仲有鱿鱼🦑、鸡肾、鸡皮串等，种类繁多！而且有好几种腌法，唔错！除咗有肉类，有不同嘅蔬菜以提供烧烤，有粟米🌽茄子🍆车厘茄🍅韭菜等！
最特别系韩舍提供章鱼小丸子机同夹饼🧇机，可以俾一家大细又玩又食👨👩👦👦除咗有呢两部机之外门口有一部爆谷🍿机、炒雪糕🍨机同棉花糖机！唔知以为我去咗酒店食buffet，估唔到咁有惊喜！
至于食物方面，味道唔错，唔会太咸亦都唔会好油腻！仲要个排烟口喺正铁板上面，抽气抽得唔错！个铁板仲要好大块，可以放好多烧肉一齐烧！
热盘方面我选择咗炆猪软骨同一啲炸物，仲有一啲前菜，有中华沙律、黑云耳、熟虾同青口！都好好食！仲要好新鲜！
最后我要好好安慰我第二个胃，嚟个甜品放题先，啲甜品款款都的的式式，每样都可以试一啲，唔怕浪费！仲要好好味！好满意！原本我想食埋炒埋雪糕🍨同夹饼🧇，可惜太饱食唔落啦！咁样可以有藉口留返下一次再食🤣🤣🤣
虽然而家好少人嚟食，但食物质素一啲都唔会敷衍，全部都好新鲜制造！$155 加一真系好抵食！
希望香港🇭🇰快啲无事，等我可以安心再去揾啲咁高质同抵食嘅餐厅啦！
张贴
