海陸空

营业中

休息中

俾呢间韩国餐厅个名「海陆空」吸引左，所以同老婆黎呢间韩国餐厅食下韩国美食。一入黎就有韩国人黎招呼我地，好似去左韩国咁🤣我地叫左烤肉套餐、韩式海鲜辣面同埋韩式芝士煎蛋卷。韩式芝士煎蛋卷卖相好吸引，食落味道都好正。芝士蛋卷当然有厚厚嘅蛋，蛋卷都好滑唔会煎得好老。蛋卷包上浓香芝士，好好味。食韩国野一定要试下辣面。我地叫左韩式海鲜辣面，海鲜有鱿鱼、青口同半只蟹。呢度嘅辣面非常辣，食到出哂汗，非常适合冬天嘅时候食。海鲜就几好，无煮得过左火。黎到重点嘅烤肉套餐，呢个套餐有两件羊扒、一块五花肉、1++嘅韩牛同埋不同蔬菜。首先会有位韩国侍应简单介绍下套餐嘅内容，之后就开始帮我地烧韩牛同蔬菜先，完全唔需要自己煮。当然一定要先试试件韩牛，韩牛好淋好滑，肉味浓浓，非常好食，我地都忍唔住系咁食。侍应见我地食完韩牛，就帮我地烧五花肉同羊扒，五花肉肥瘦适中，油份都几多，好好味。羊扒唔会有好浓烈嘅臊味，非常好。呢个套餐非常抵食。