梨滿園韓國料理 (已結業)

最近蜜桃小丸子一直都好想食肉，今日happy Friday 就揾咗间系乐富食韩牛嘅放题，$188食90分钟。入面都几大，有唔少梳化位，可以坐得舒舒服服。食物种类唔算超级多，但主要嘅都有，我地当然主攻肉类啦。一坐低就先来前菜，有泡菜、菠菜同豆芽，腌得都ok，唔会太酸。韩牛系新鲜同靓嘅，唔会好似出面啲韩烧咁用酱汁腌到好劲，等你食到原汁原味，唔够再自己掂汁，仲有青口同带子拣，熟食个蛋卷新鲜整出来热辣辣，唔错。服务员会不时帮手换咗个底板，啲嘢都算执得快。罐装饮品任君选择，最正佢有Zero，点饮都唔肥喇今次！最后我地食得超饱，啲肉嚟得都算快，仲有维记雪糕食！