影片
更多
2019-03-05
4372 浏览
每个人身边，总有一个韩粉朋友，出街食咩都冇所谓，只要系韩国菜就ok，电视节目，衣著打扮，全部都系睇韩国出既。而我身边，都有2个咁既朋友，都几好既，感觉有个韩国通咁啊嘛，不过一讲野就穿崩啦哈哈。韩粉朋友平时最中意黎亚士厘道，话呢度云集哂好味既韩国菜，今日就带我试麻浦元祖。💕入面点架？呢度既空间超阔落，条走廊目测1.5m阔，系食肆黎讲系好少见！又有独立抽气扇，唔洗惊会成身味。💕有咩食啊？我地今晚6点令到，见到有散叫Menu，仲有任食套餐。朋友系食肉兽，一秒就决定要食呢个 $198 限时90分钟 任食套餐。（朋友话老板系韩国人，所以对菜式充满信心，肯定正宗咁话）✨$198 /90分钟 韩国烤肉放题✨ 食得快既，可以考虑 $118/45分钟 or $158/60分钟，食材选择系一样架，饮品系另外叫既。我地叫左以下烧烤配料：🥰🐮特上王牛排骨肉 Boneless Beef Short Rib大大块既牛排骨肉，骨之间既肉一向都好软稔，店家将牛排骨肉去骨处理，烧得好方便，唔洗惊近骨位置难熟。🐮牛五花 Marinated Belly望落去有好邪恶既雪花，平时见到咁大阵油真系会吓亲，但韩烧既时候见到，系会
韩粉朋友平时最中意黎亚士厘道，话呢度云集哂好味既韩国菜，今日就带我试麻浦元祖。
💕入面点架？
呢度既空间超阔落，条走廊目测1.5m阔，系食肆黎讲系好少见！又有独立抽气扇，唔洗惊会成身味。
💕有咩食啊？
我地今晚6点令到，见到有散叫Menu，仲有任食套餐。朋友系食肉兽，一秒就决定要食呢个 $198 限时90分钟 任食套餐。（朋友话老板系韩国人，所以对菜式充满信心，肯定正宗咁话）
前菜
78 浏览
0 赞好
0 留言
✨$198 /90分钟 韩国烤肉放题✨
食得快既，可以考虑 $118/45分钟 or $158/60分钟，食材选择系一样架，饮品系另外叫既。
我地叫左以下烧烤配料：🥰
🐮特上王牛排骨肉 Boneless Beef Short Rib
23 浏览
0 赞好
0 留言
大大块既牛排骨肉，骨之间既肉一向都好软稔，店家将牛排骨肉去骨处理，烧得好方便，唔洗惊近骨位置难熟。
🐮牛五花 Marinated Belly
13 浏览
0 赞好
0 留言
望落去有好邪恶既雪花，平时见到咁大阵油真系会吓亲，但韩烧既时候见到，系会觉得开心，因为「咋」落去果下，香到呢，忍唔住口一块接一块。
🐮牛舌 Ox Tongue
23 浏览
0 赞好
0 留言
🐮牛舌 Ox Tongue
23 浏览
0 赞好
0 留言
牛舌系薄切既，个人觉得牛舌唔洗烧太耐，只要2边轻轻烧几下，就ok。keep得住d肉汁，又有焦香味。
🐮肉眼扒 Top Blade
23 浏览
0 赞好
0 留言
平时去据扒，最中意就系叫肉眼扒，中意佢大大块，冇乜筋，肉质又嫩滑，拎黎烧都一样好味道，烧一阵就用铰剪剪开。
🐷黑猪梅花肉 Black Pork Shoulder +🐷五花肉 Pork Belly
13 浏览
0 赞好
0 留言
🐷五花肉 Pork Belly
20 浏览
0 赞好
0 留言
呢个五花肉比一般韩烧店既稍为薄切，唔洗烧好耐就可以食，猪油遇到烤板，「滋滋」声，香味四溢。
🐷黑猪梅花肉 Black Pork Shoulder
梅花肉，油脂分布均匀，是最常食到既部位。有筋有肉，会更有嚼劲。
🐷护心肉 Marinated Special Pork Skirtmeat + 🐷猪颈肉 Pork Neck
17 浏览
0 赞好
0 留言
🐷护心肉 Marinated Special Pork Skirtmeat
24 浏览
0 赞好
0 留言
呢个护心肉系大家一致最中意食既，上网search过，原来系位于猪横膈膜同肝之间部位的瘦肉，一只猪只有250-300克护心肉，香嫩冇乜油，脂肪少，几有咬口。
🐷猪颈肉 Pork Neck
猪颈肉系厚切既，肉质几爽口，加上又烧到脆卜卜，加埋枱面既特制酱汁，酸酸甜甜，中和到肉类既油分。
🐥鸡肉 Chicken
14 浏览
0 赞好
0 留言
鸡肉有辣同唔辣，我地2个都叫哂，原来腌制既酱汁系一样，要辣既，就要捞匀店家附上既辣酱，原来又唔系好辣，反而好惹味。
🍲大酱汤 Bean Paste Soup (+$20)
$20
9 浏览
0 赞好
0 留言
睇韩剧成日都分出现既大酱汤，今日终于有机会一试，丈酱汤系传统既韩国料理，用左大酱、大量洋葱、仲有豆腐同蚬肉，入口有满满既鲜味，加上蔬菜既甜味，一试难忘。
韩国梨汁+乌龙茶
117 浏览
0 赞好
0 留言
朋友试左呢个韩国梨汁，话味道唔系好甜，几香梨味。
大合照
18 浏览
0 赞好
0 留言
💕食完觉得点？
3个都食到抱住个肚走，一样食材都冇漏过既放题，睇得出餐厅系好认真对待客人。同时，侍应都会主动帮我地换烤板，又会提示我地烧熟啦食得啦。系一间值得再黎既正宗韩国料理。
张贴
