影片
更多
2023-11-02
9 浏览
呢间纯白风格嘅韩系Cafe，嘢食出品都系色彩缤纷，好吸引！食物选择多元化，比坊间嘅Cafe多好多选择，除咗有pasta，仲有啲健康轻食：yogurt、沙律𠮶啲，竟然仲有开心果嘅甜品同饮品，值得一试！食物价钱都几实惠，抵食又大份，可以周末过嚟Hea下放松下～------------------------------🧀◖芝士吐司条配蒜蓉包条◗ $108呢道系堂食限定，即叫即整，要等返20-30分钟左右～挖空吐司盒子，倒入芝士再焗溶佢，配上搽咗蒜蓉酱嘅多士条，超香！蒜蓉包烘得香脆，蘸上拉丝芝士，满满嘅奶香加上蒜蓉味，正！🥗◖Bunphant Plate◗ $148呢间Cafe嘅全日早餐好丰富，有樱花虾炒蛋、慢煮鸡胸肉、沙律菜、焦糖南瓜、迷你牛角包乳酪，再配牛油果酱，色彩缤纷得嚟好吸引！食材配搭健康，炒蛋咸香咸香咁，嫩滑带有奶香；鸡胸肉有惊喜，满满嘅香料味，肉质嫩滑多汁！🍰◖开心果软心芝士蛋糕◗ $65巴斯克芝士蛋糕外层微微焦香，里面满满嘅芝士香味，淋上淡奶油，加入开心果碎，口感cream软滑！特别欣赏佢里面嘅软心，口感好似食紧雪糕咁，但略嫌佢开心果味会比芝士味盖过咗，未必满足到开心果
------------------------------
🧀◖芝士吐司条配蒜蓉包条◗ $108
呢道系堂食限定，即叫即整，要等返20-30分钟左右～挖空吐司盒子，倒入芝士再焗溶佢，配上搽咗蒜蓉酱嘅多士条，超香！蒜蓉包烘得香脆，蘸上拉丝芝士，满满嘅奶香加上蒜蓉味，正！
🥗◖Bunphant Plate◗ $148
呢间Cafe嘅全日早餐好丰富，有樱花虾炒蛋、慢煮鸡胸肉、沙律菜、焦糖南瓜、迷你牛角包乳酪，再配牛油果酱，色彩缤纷得嚟好吸引！食材配搭健康，炒蛋咸香咸香咁，嫩滑带有奶香；鸡胸肉有惊喜，满满嘅香料味，肉质嫩滑多汁！
🍰◖开心果软心芝士蛋糕◗ $65
巴斯克芝士蛋糕外层微微焦香，里面满满嘅芝士香味，淋上淡奶油，加入开心果碎，口感cream软滑！特别欣赏佢里面嘅软心，口感好似食紧雪糕咁，但略嫌佢开心果味会比芝士味盖过咗，未必满足到开心果控嘅味蕾～
☕️◖Long Black◗ $39
食甜品，当然要配返杯斋啡，呢杯咖啡顺喉，富有坚果嘅香气，可以消滞！
🍵◖开心果特调奶◗ $55
每张枱都一定有呢一杯嘢，开心果味超浓郁，底层系开心果酱，一啲都冇手软，份量有成半杯咁多！配合上面嘅鲜奶，口感浓厚，仲食到啲开心果粒，超邪恶超正！
🌟 Encore指数：9/10
张贴
