Angry Oppa Restaurant & Bar (已結業)

每次一追韩剧，𠮶排都会想食韩国菜。最近睇紧Netflix嘅李尸朝鲜，又想食韩国菜，所以放工就同男朋友到尖沙咀嘅韩国街觅食。韩国街有多间餐厅，花多眼乱，上openrice发现呢间Angry Oppa Restaurant & Bar有好多正评，就决定一试。一落单就意外发现原来楼面真系一位oppa负责，呢位oppa好友善，一啲都唔会angry! 餐厅主打fusion熔岩比萨，但因为男朋友唔太好芝士，我哋又得两个人，怕叫一整个比萨会太济，所以就试迷你大酱五花肉熔岩比萨。等咗约十分钟，迷你比萨就热辣辣咁送上。迷你比萨造型可爱，好似小蛋糕。上面嘅五花肉焗到脆卜卜，超可口。微辣嘅大酱配上熔岩芝士完全减低芝士嘅肥腻感，加上香脆嘅饼皮，真系好好味！就连唔好芝士嘅男朋友都赞好！下次如果人多一齐食，一定要试个大比萨！另外，我哋食咗泡菜海鲜煎饼。煎饼外微脆内软又烟韧，完全系之前系韩国食到嘅口感，好满意！个煎饼有泡菜嘅咸酸味，唔使点酱油都已经好够味。最后，我哋仲试咗韩式鲜蚬汤。呢个蚬汤好足料，除咗蚬，仲有年糕，鱼糕同埋各种菜丝。最欣赏系啲蚬鲜甜，同埋洗得好干净，完全无沙粒。不过个汤比较咸，可能今次调味重手咗，