奇納百川 (已結業)

环境:入到去得三张窗边海景枱，装修简约风，座位阔落。夜晚七八点去到餐牌上好多嘢食都卖晒，特别系甜品全部都冇，入去前记住喺门口睇餐牌，睇吓啲嘢食有冇卖晒先。食物👍🏻三文鱼子海胆忌廉酱乌冬 $188依个值得一试味道特别，可以先食乌冬加酱汁试试，再试加三文鱼子一起食又另一番风味，三文鱼子同海胆份量都多，乌冬弹牙烟靭。👌🏻烤烟腩蛋黄忌廉手搓粉 $168手搓粉比较少见，所以叫咗黎试下，个味道好似淡版卡邦尼，钟意食淡味嘅人好啱，但食开咸既另外配午餐肉食会更好。👌🏻薯格配香辣蛋黄酱 $58反而薯格有惊喜，十分之脆口，放耐咗都脆口，加上香辣蛋黄酱好嘢味。👌🏻 荔枝乌龙茶 $48意外地荔枝同乌龙茶味道好夹，甜度正常。👎🏻炸午餐肉条配芝士酱 $68唔好食！无炸粉唔脆口但好油腻，午餐肉好咸，掩盖晒芝士酱味，加上芝士酱本身好淡，冇浓郁嘅芝士味，好似沟咗水。