韓讚 (已結業)

我最钟意嘅韩综三时三餐又开播了，经常追看，睇睇下都会特别想食韩国菜，最近都食左好几间，当中以呢间「韩赞」最出色是日落住微雨，一行四人黎到渣甸街晚饭，呢栋大厦可能仲新，暂时得两间食肆，相信之后会愈黎愈多餐厅进驻。韩赞位置都几阔落，装潢都几靓啊，蓝色墙身撞黄、白天花，地板不规则嘅配色，木枱配上木色、黄绿色椅子，感觉年轻，而最靓嘅就系挂喺窗边嘅圆形灯同星星灯，相信喺街外抬头都可以望到的。餐牌选择丰富，有锅类、沙律、饺子、煎饼、紫菜卷、铁板烤肉、汤品、炸鸡、饭面、三文治、松饼、甜品等，定价合理，同一般连锁韩国餐厅差不多。饮品选择都好多，有韩式饮品、梳打、咖啡、朱古力、抹茶、水果茶、沙冰等，仲有鲜果汁，见到隔离枱点左，会即场用榨汁机榨，搞到我地仲心思思即刻上网睇下部榨汁机咩价位，想买部番公司玩下落单后，店员好快送上沙律、小菜，沙律几新鲜，而泡菜味道都唔错，不过就唔系任食，每碟系$20。辣酱炒年糕 $118炒年糕嘅味道对办，除左圆形年糕，仲食到唔少沙白、鱿鱼、泡菜，年糕烟韧，份量不少韩潮炸鸡 $98全晚点嘅菜都好满意，唯独呢份炸鸡，有点失望。酱嘅味道调配得好，唔会太黏太稠身，但鸡嘅炸浆偏厚硬，而且