K-POT 部隊鍋 (已結業)

自从2007年喺韩国公司打过工后，就开始对韩国野著迷，无论韩国料理、化妆品、gmarket、韩戏、韩文通通我都钟意。近年香港开咗好多韩国食肆，韩式小食店、韩烧、酱油蟹、部队锅，百花齐放。最近啲年轻同事话部队锅好食，我就完全搭唔到咀好似好out咁 ，其实我未食过部队锅，为咗试下咩叫部队锅，今晚我专登约埋2位朋友一齐试下，上网睇见荃湾有间K-Pot地点又方便，咁就去试下啦。呢度喺德华公园对面，个招牌好大个挂喺大厦外墙，离远见到一楼灯光火猛，就知喺度了。店里面嘅环境光洁整齐，设计简单时尚、开扬阔落一望落去就觉得好舒服，我忍唔住咁周围影相。近窗口圆枱位系落地玻璃望到对面德华公园，对住街景一啲都唔焗促。场中间嘅多数系4人枱同大枱，枱与枱间就有围板间住，自成一角，感觉比较有私隐。呢度嘅电视播紧k-pop，节奏轻快，韩迷必爱。食物亦都好集中好整齐咁放食物吧枱，仲有好多吸引眼球嘅野，系女仔都应该钟意好似有架爆谷车啦、乳酪雪糕机啦，可以要乳酪又得、雪糕又得，又或者系两沟亦得，仲要有好多Topping任放和果酱、果汁机有橙汁、苹果汁、提子汁、6款汽水任添、当然仲有蛋糕柜啦呢度酱料都有咁多款：辛辣酱、辛辣