韓閣 (富裕樓) (已結業)

韩阁一直都系荃湾入面出名cp值高既良心韩国餐厅，平时夜晚都唔少人等位架，所以想黎食既话要预多少少时间拎飞啦！✨传统甜辣味炸鸡（半份）一向都最中意食传统口味既炸鸡，呢只辣酱唔会太辣，反而食到淡淡既辣椒香气，加上甜甜地既酱，令味道提升一个层次，同鸡肉非常夹。炸鸡既外皮松脆，肉质好嫩滑，仲食到啖啖肉汁添！而且估唔到半份炸鸡份量都几多，有成6件，包括两件鸡槌同四件大鸡件，食完超级满足！✨芝士岩浆炒饭黎到点可以唔叫呢到最出名既芝士岩浆炒饭呢！呢个炒饭真系超邪恶，系铁板既炒饭上面铺满哂芝士，趁佢融哂个时同啲饭捞埋一齐食，所以食落有浓郁既奶香同芝士既咸香。配料有啲泡菜同猪肉，令味道辣得黎酸酸地，食落唔算好滞。不过呢个饭真系太邪恶啦，所以最好同朋友一齐share，唔洗自己一个肥，哈哈！✨韩阁杂锦蛋卷呢个超级惊喜。因为一般系出面既韩阁餐厅食蛋卷个时，蛋卷都系好薄，而且煎到啲蛋老哂好鞋口。但呢到就唔同啦，蛋卷有成3-4cm厚，食两旧都饱左。佢仲保持到鸡蛋滑溜既口感，最正既系上面啲蟹籽同泡菜，多到好似唔洗钱咁，超级足料。