影片
更多
2022-05-17
839 浏览
终于等到防疫措施放寛喇，仲等到放假，所以梗系要带狗狗出去食嘢啦！喺Openrice见到呢间宠物友善餐厅，仲系新开嘅添~~不过，要揾呢间餐厅真系一啲唔容易... 明明已经去到溱栢，但喺外面的水牌睇唔到有Hooment的资料，照样行入去，经过4-5间舖，仍然系冇影。最后，行到去7-11，决定放弃，行番出去，睇住地图喺溱栢外围兜咗一圈，仍然唔见间舖。最后，唯有又入多去溱栢一次，行过埋7-11，见到有间唔知系会所定系乜东东，个保安一见我同狗狗，就估到我哋要去Hooment，教我哋点去。其实，Hooment都系喺屋苑范围，但唔知点解（系咪新得滞？）连水牌都唔显示既？去到Hooment，觉得呢度好似平时睇YouTube入面啲韩国的宠物店！！入门口左面有一个好似cafe setting的用餐区，地方阔落，放咗啲矮櫈同咖啡台，再入就有啲爬虫展示箱，然后系宠物美容区，再行就系购物区（亦系用餐区的对面），卖宠物用品、粮、零食、玩具等。不过，都几麻烦既系：买嘢食的counter系喺外面，即系要出番Hooment，嗯，点解有咁「特别」的空间规划架？最最麻烦系，如果由购物区出去买食物，系要经过2度门。我今日推住
不过，要揾呢间餐厅真系一啲唔容易... 明明已经去到溱栢，但喺外面的水牌睇唔到有Hooment的资料，照样行入去，经过4-5间舖，仍然系冇影。最后，行到去7-11，决定放弃，行番出去，睇住地图喺溱栢外围兜咗一圈，仍然唔见间舖。最后，唯有又入多去溱栢一次，行过埋7-11，见到有间唔知系会所定系乜东东，个保安一见我同狗狗，就估到我哋要去Hooment，教我哋点去。其实，Hooment都系喺屋苑范围，但唔知点解（系咪新得滞？）连水牌都唔显示既？
去到Hooment，觉得呢度好似平时睇YouTube入面啲韩国的宠物店！！入门口左面有一个好似cafe setting的用餐区，地方阔落，放咗啲矮櫈同咖啡台，再入就有啲爬虫展示箱，然后系宠物美容区，再行就系购物区（亦系用餐区的对面），卖宠物用品、粮、零食、玩具等。不过，都几麻烦既系：买嘢食的counter系喺外面，即系要出番Hooment，嗯，点解有咁「特别」的空间规划架？
最最麻烦系，如果由购物区出去买食物，系要经过2度门。我今日推住宠物车，真系好「呢hea」。落单买咗一个Panini连咖啡餐（$108），再加一个鸭肉他他俾狗狗（$68）。
呢个Panini连咖啡餐系令我感觉几唔舒服架，因为后尾我先知，原来我分开买Panini同一杯咖啡，系会平过买个餐，不过可能店员冇为意，所以冇提我。店员话Panini有1款系素食：Sundried tomato Panini with potato & cheese (单点$58），我点咗呢个，跟餐点咗热Rose latte（单点$45），加埋系$103，无啦啦叫餐俾多咗$5。其实Panini有3款，素食比另外2款平$10），如果顾客系嗌$58的素食Panini，咁个餐的售价应该平啲先啱，又或者店员要提番客人单点会抵啲。
Panini味道比较清淡，我几钟意Panini入面的薯仔，虽然冇乜调味，但感觉健康，而旁边的沙律菜就冇乜特别。Rose latte我觉得有少少怪，初初饮有啲苦，同埋因为冇糖，所以冇得调校甜度，饮到最尾，先至饮到「聚」咗喺杯底的糖浆。狗狗的鸭肉他他卖相几靓，仲用咗韩国品牌的宠物碗装住，而狗狗亦好快食晒。
Sundried tomato Panini with potato & cheese
$58
72 浏览
1 赞好
0 留言
Rose Latte
$45
46 浏览
0 赞好
0 留言
宠物鸭肉他他
$68
44 浏览
0 赞好
0 留言
最后，要讲下一啲满意同冇咁满意的地方。满意：一站式，食、美容、购物一应俱全；店员都几友善；食物唔使加一；唔满意：点餐同用餐区南辕北辙，点完餐，店员唔会送餐（可能咁，所以唔使加一？）；用餐区只有即弃餐具，冇提供糖同搅搅棒；最后，要讲多次，今次点餐仲贵过散嗌，真系令人感觉好唔舒服。
张贴
