韓樂 (小西灣廣場)

营业中

休息中

依间铺喺小西湾商场里面，食韩式野。一向觉得依个品牌做得唔错，间唔中黎开小西湾都会过黎食tea。menu有好多选择，我叫左一口炸鸡汤粉丝。粉丝可以拣转部队面或者加$3转乌冬，我拣左部队面。虽然menu度有个辣椒符号，不过其实佢嘅汤底系完全唔辣，而且亦都唔系清汤无味。碗面都仲有啲杂菜、菇同埋半只蛋。另外，依个餐嘅主角就系炸鸡，不得不提佢炸鸡嘅分量真系好多，有10粒以上，估唔到下午茶都会比咁多。而且炸鸡都好好食，啲酱甜甜辣辣咁，几开胃。佢有少少微辣，不过连我依啲唔食得辣嘅人都顶得顺同埋觉得好好味。依个餐真系好抵食，$38已经食到好饱。我次次黎都几乎会叫依个。不过其实餐牌里面其他野都一样好吸引，不妨可以黎试下。