韓燒大叔

营业中

休息中

听朋友介绍，旺角有间韩国菜味道出色，而且价钱唔系好贵，心思思想去食。我地两个人拣左午市套餐，两道充满韩风佳肴：韩式部队锅同人参鸡汤。部队锅拣左箩白汤底，部队锅嘅材料丰富：午餐肉、肠仔、鸡蛋、鱼糕、肥牛、冬菇、金菇、蔬菜、韩式年糕及韩国面等，份量十足。一开始食嘅时候仲略嫌唔够辣，点知越煮越辣。浓郁及芝士味渗入面同汤底，提升口感同味道，真是食指大动！除左8拣3的拌碟小食外，仲包埋餐汤同饮品，十分抵食!如果唔够仲可以加白饭添!人参鸡相当滋补，以整只童子鸡，腹中塞入糯米、佐以红枣、姜、蒜和人参时间炖煮制成。鸡吸收左汤底精华，竟然出奇地嫩滑!