Cafe Aboong HK (已結業)

离离原上草，一岁一枯荣，韩风袭港，各式韩国食肆先仆后继进驻旺角呢个英雄地。作为消费者，当然乐见有花齐放。但更重要系，究竟好唔好食？有无卖点？所以见杂志报导过，就试吓呢间新舖。 原味乳酪鲷鱼烧$35一条开口日式鲷鱼烧做甜筒就系呢间舖嘅卖点，再喺鱼口中盛入低卡路里乳酪，洒上朱古力酱同花生碎就大功告成。热辣辣嘅鲷鱼烧配冻冰冰酸味味嘅乳酪。乳酪味道比较接近益力多，酸味同甜味都特出，但朱古力酱系热嘅，冷热交融感觉好特别，鲷鱼筒外型除咗吸引，食落都尚算松脆，本身有好香蛋味，微甜同埋有少少辣手，天气冻拎住食会有暖手蛋嘅感觉。期待会有其他做型嘅乳酪筒，会令我有再一次帮衬嘅冲动。