BBQ 7080yo (已結業)

韩烧平时好少食，朋友话要带我黎试试，仲话包保食完我会爱上，唔通真系咁好食? 黎到见到门口摆哂队，好彩朋友醒目一早book左位，但都系要等下，不过就唔洗等咁耐装修唔错，存物筒设计既櫈可以将随身物品放哂入去，安全又食得轻松，但缺点系坐得冇咁舒服 。坐低望到D餐具都好韩feel下，跟住店员好快上前菜、酱料、生菜、芝士。点餐交左比朋友，我就慢慢品尝个冻豆腐前菜，虽然豆腐唔算好滑，但浸左甜酱都唔错。落单唔洗一阵就有野上枱啦，大大块烤牛排骨牛味香肉质又嫩滑，薄身切法油脂唔多，放系生菜上面，加埋泡菜、酱料包住黎食，鲜甜又爽口，好正 。芝士带烟韧，配上牛排骨又系另一种滋味 烤鲍鱼都好正，肉质软滑又弹牙，味道够鲜甜，重点系食材够新鲜 朋友仲点左款熟食”煎海鲜葱饼”，海鲜够多好足料，比想像中厚，但咬落好脆身，仲有淡淡既蛋味，好味 卖单前会送上一薄荷糖及香口胶，清一清口气，真贴心呢!!