冰雪公主 (已結業)

而家越黎越多韩国餐厅，要食韩餐完全唔难，系荃湾就有一间以韩食做主打嘅冰雪公主，一日五餐都可以完全感受到韩国风。寿女烧鸡锅呢个名几有趣，唔知有D咩意思，但就知呢个锅整得几好食，有一条辣椒系入面，唔会太辣，相信都适合唔系好食太辣嘅人。整个葱头在锅内煲，不会有好强烈嘅葱味，可以原只葱头咁食，鸡肉无骨，软熟又入味。食完晚餐，甜品少不免都要有先觉得完满，但好多时都要另揾一间甜品店，今次呢间当然唔止有热食，仲有各式各样既甜品。韩式甜品比较少食，普遍都只有西式同中式，呢间就有好多韩式甜品。爆谷雪糕好正，雪糕打左七八个圈咁高，然后在外围贴满爆谷，加埋糖浆系顶，爆谷就好似会熔咁，卖相好吸引。雪糕加爆谷又软又脆，口感好有趣。若爆谷可以再整得再脆口些少就会更好。千层蛋糕食得多，呢个再加埋年糕系入面嘅千层糕好特别，年糕好烟轫，层次分明，份量够晒大件，年糕配系甜品一齐都几好食。下次拣甜品店又有多样选择。