影片
更多
2024-05-05
31 浏览
喜来稀肉依间韩国人气烧肉店在香港开业都一段时间，但仍然吸引不少拥趸嚟支持. 铜锣湾分店平日夜晚时段也有不少人帮衬，当中包括韩国人及其他外籍人士. 当晚刚好有一枱韩国人庆祝生日，加埋餐厅的环境布局及韩籍服务员，有啲感觉似身处韩国. 食物方面叫咗我飞佛蛋拌生牛肉、参鸡汤及蟹籽紫菜饭团，烧肉方面叫了护心肉.护心肉原来即系猪的横隔膜同肝之间的部位，每头猪只有200 至300克，系好珍贵的部位.烧咗之后肉味香浓而又有嚼口，蘸烧肉汁食或加埋生菜食也可，亦可根据个人喜好加泡菜一齐食，别有一番风味. 蛋拌生牛肉虽然唔系人人敢食，但敢食嘅应该会钟意.曾经食过西式做法嘅生牛肉，但始终都系钟情韩式嘅生牛肉，钟意佢用梨同青瓜捞埋啲生牛肉蛋加埋芝麻粒，牛肉弹牙又有爽口感，又滑又甜，正呀.蟹籽紫菜饭团，附上手套，可以自己搓饭团，带小朋友去食又可以俾佢学下，实行亲子乐. 参鸡汤餐厅细心哋另外附调味盐，可以根据个人口味去加调味料🧂，鸡内有好多糯米，食完好满足😋.
张贴
