啤啤Bear韓國包車

营业中

休息中

最近睇得多韩国大厨比赛节目，心思思好想食韩国嘢，就约咗朋友一齐去尖沙咀食。餐厅用韩国机舖做主题，门口好多打卡位，行到入边都系。蟹籽海鲜蛋卷蛋卷煮得非常好，食落软身又滑，上面加左好多蟹籽，中间嘅海鲜非常弹牙，令人喜出望外。BUTTER X GARLIC 无骨炸鸡炸鸡即叫即炸，上枱仲系热辣辣，表面金黄，外脆内软，鸡肉鲜嫩，唔会太干身或者好油，牛油同蒜蓉味配合得天衣无缝，我同朋友食完一嚿都继续不停再食。大发！芝士铁板黑松露炸酱拉面拉面用咗三种芝士，上面只蛋煮得啱啱好，黑松露炸酱比想像中多，拉面嘅软硬适中，口感唔错，配埋溶咗嘅芝士食，又系停唔到口。无限黑金烤肉专区！餐厅做紧优惠，每枱只要叫一份烤肉，就可以免费追加五花肉，咁抵梗系要叫。五花肉脂肪同肉层次分明，切嘅厚薄适中，好容易烧，仲有埋生菜包。饮品我哋叫咗This Summer 菠萝冰茶同"Drink Me!"粉红西袖特饮，两杯饮品都有果干送，味道唔会好甜，饮落好清凉。餐厅性价比高，下次有机会会再去。