雪龍湯 (已結業)

好耐都冇食过韩国菜，今次等朋友放工后去左上环哩间新开韩国餐厅食晚餐，因为太夜费事食咁饱，就每人食左一个饭面😜，晚市唔算多人，可以静静地食返餐！鳗鱼乌冬($98)虽然餐厅以雪浓汤命名，但我麻麻地韩国既雪浓汤，所以简简单单拣左鳗鱼乌冬😜，乌冬加钱转左稻庭乌冬，汤底拣左猪骨汤😛。上枱时用左铁锅上，几得意，乌冬煮得弹牙，鳗鱼份量都几多，食到尾都仲有😁。牛肉铁板饭($128)朋友叫既铁板饭，牛肉份量好多，食落好重口味岩晒我地胃口。套餐配埋海带汤同前菜，味道都唔错架，几开胃。