炑八韓烤 (偉華中心)

营业中

休息中

成日听朋友讲话呢间嘢贵， 所以都未嚟食过，今日阿仔放半日 ， 喺门口望到餐牌 原来午餐都唔系好贵，咁我哋一家4口就入去试下啦！未叫嘢之前 每位有一碗汤 及泡菜， 平时我唔食泡菜咖，但系今次比我清晒 但系碟牙菜就冇咩味， 所以我哋冇食首先两位公子分别叫了 照烧鸡蛋包饭， D蛋好嫩滑但系蛋包饭裹包住茄汁饭， 我自己就唔多钟意 ，而鸡扒就好好呀 ($48) 及叫咗个 鳗鱼蛋包饭， 鳗鱼成条上， 够汁但系个皮小小靭， 味道算ok， ($68)再叫咗个$128烧肉setD牛几好食，但系D炉边蛋， 我哋食完其他嘢啲蛋 仲系流质都未熟， 可能我唔识点食， 附送咗啲生菜， 但系我觉得烧黎唔好食， 侍应话啲蛋汁 可以无限添加， 我就冇加到， 因为等到啲蛋熟食一转已经觉得好饱跟住我就加咗18蚊 食依个蟹肉酱迷你拌饭哗， 冇得弹，真系好好食 我哋嗌咗1杯 菠萝特饮 同埋橙汁特饮， o k喇! 冇咩特别。 之后再嗌咗杯冻奶茶， 麻麻地， 所以都冇影到。呢间嘢冇加一，又附送汤及泡菜， 午餐价钱合理， 下次会再试其他款。之前听啲食评话 服务麻麻地， 我就觉得佢哋系木口左啲既， 但系上菜速度都算快。