李家 (海壩街)

营业中

休息中

荃湾站📍李家-对上一次食李家都有大半年前，上次食炸鸡食到癫疯状态，今次就食返d滋润野同埋食下小食。参鸡汤（$198）呢个set包一碗饭同泡菜，参鸡汤热辣辣上台。汤唔算好重参味，饮落好舒服、暖胃，用参鸡汤拌饭食一流。成只Bb鸡熬制，鸡肉几嫩滑，配埋蛋丝、葱花。鸡泡鱼干（$98）一路饮野，一路食鸡泡鱼干，慢慢倾计👍🏻烤过既鸡泡鱼干唔洗醮酱都好够味，脆身得黎少烟韧，如果送酒就一流！可惜有揸车🚗除左有沙律酱仲有辣酱附送，个人中意沙律酱多d😋无酒精丽塔-西柚味（$78）打卡一流，口味清新，西柚味浓加埋少少檬柠清香🍹。一杯等于两杯普通野饮。西柚味rainbow soda（$38）呢个同样清新解暑，夏天饮一流！餐厅附送椰菜沙律同韩式腌萝卜既餐前小食。环境方面，同之前去尖沙咀分店差不多，有韩国地方小店特色，霓虹光灯牌配埋韩文歌，超浓韩味🇰🇷而且都唔少韩国人黎捧场。