影片
更多
2019-05-14
1812 浏览
依家嘅素食店越开越多，就算唔喺打正旗号卖素食，一样会加入一啲素食菜式。最近，食友试过中环嘅「Kim's Bowl」，觉得唔错就推介俾我，而餐厅又近我公司，撞啱今晚无饭开，行过嚟食埋晚饭先返归。餐厅位于「花园道3号」LG层嘅零售区，晌度有便利店、咖啡店及餐厅。外面有好多露天位，但是夜落雨，乖乖留晌室内。虽然中庭有好多梳化位，不过，全部都喺茶几枱，叹咖啡就可以，食正餐就唔太就手；幸而，餐厅本身都有少少高脚枱櫈，但个人就觉得啲櫈矮咗啲。晌啲日本餐厅，铺面好钟意摆放啲食物「样办」吸引客人，亦当喺俾人有个参考，而「Kim's Bowl」都有，不过，喺简化咗嘅图像版。然而，想确切想知道有咩食，就要抬头睇睇上面嘅电子餐牌。不过，并非一次过打晒出嚟，而喺不断转换图片，幸而，佢哋有啲单张，索性扫描好再贴出嚟，咁一目了然知道有咩选择。单张里面，主要介绍恒常提供嘅各款菜式及套餐，此外，佢哋仲有啲「每周精选」供应。而饮品方面，单张亦讲得唔多，其实，实际有好多选择。除餐饮，兼营少少零售，就喺梨花园韩国传统茶系列，如柚子茶、红枣茶、生姜茶、芦荟茶，以及泡菜。韩式素食拌饭 $82 友人简简单单拣咗个拌饭，不过，特色
餐厅位于「花园道3号」LG层嘅零售区，晌度有便利店、咖啡店及餐厅。外面有好多露天位，但是夜落雨，乖乖留晌室内。
虽然中庭有好多梳化位，不过，全部都喺茶几枱，叹咖啡就可以，食正餐就唔太就手；幸而，餐厅本身都有少少高脚枱櫈，但个人就觉得啲櫈矮咗啲。
晌啲日本餐厅，铺面好钟意摆放啲食物「样办」吸引客人，亦当喺俾人有个参考，而「Kim's Bowl」都有，不过，喺简化咗嘅图像版。
然而，想确切想知道有咩食，就要抬头睇睇上面嘅电子餐牌。
不过，并非一次过打晒出嚟，而喺不断转换图片，幸而，佢哋有啲单张，索性扫描好再贴出嚟，咁一目了然知道有咩选择。
单张里面，主要介绍恒常提供嘅各款菜式及套餐，此外，佢哋仲有啲「每周精选」供应。
而饮品方面，单张亦讲得唔多，其实，实际有好多选择。
除餐饮，兼营少少零售，就喺梨花园韩国传统茶系列，如柚子茶、红枣茶、生姜茶、芦荟茶，以及泡菜。
韩式素食拌饭 $82 友人简简单单拣咗个拌饭，不过，特色在于喺素食版，但同样有好多料，包括：素牛肉、红萝卜丝、白萝卜丝、蛋丝、紫菜、翠玉瓜丝及毛豆粒，色彩缤纷，而白饭分隔晌底层，将所有材料拌匀就食得，啲素牛肉比预期好食，像度又高，喜欢辣辣哋嘅朋友可以问店员拎啲甜辣酱，更有风味。事后问问店员，佢话啲素牛肉喺从韩国引进。
泡菜猪肉韩式便当 $80小弟就拣咗个丰富啲嘅便当，除咗有泡菜猪肉外，亦拌有多款韩式前菜，计有鹌鹑蛋、辣萝卜丝、鱼仔干、渍莲藕、渍茄子及炒粉丝，款款前菜都各有特色，味道不俗；至于啲泡菜猪肉，有一定辣度，刺激惹味，捞饭一流，啲饭亦好软熟。
上文都提及过佢哋有零售「梨花园韩国传统茶系列」，原来，近来更推广一款梨花园济州蜜糖青橘子茶，原樽560g卖$45，唔贵㖞。不过，我哋就拣咗由呢款青橘子茶做嘅特饮，散点卖$38，凡惠顾任何食品，就可以用优惠价$18买到。
冷泡绿茶、杂莓乐园 +$18前者以绿茶加入蜜糖青橘子茶及一啲香橙片，友人话绿茶味好幽香，慢慢渗出青橘子嘅清香，感觉几特别；后者就以梳打沟埋青橘子茶，再混入少少杂莓，入口冰凉清爽，青橘子晌梳打嘅衬托下，甘甜味更突出。
「Kim's Bowl」嘅定价唔平，相信跟所处嘅位置有关，始终楼上就喺啲甲级写字楼，铺租都相对高。然而，喜欢韩食，又想贪方便，兼有啲质素，「金饭碗」喺个唔错嘅选择。
张贴
