Daily K food

营业中

休息中

系大水坑小小的富安花园商场中，横巷中有间不算起眼的小店，卖韩国食物，有饭卷、蛋卷、鱼糕、拌饭等等。店面虽小，但售卖的食物款式算多，普遍韩国地道小食都有得卖。d饭卷、蛋卷、凉拌小食已经一盒盒放咗喺枱面，即买即拎，鱼糕就即刻煮。见佢一盒盒整好喺枱面，所以想食蛋卷都冇买，怕冻左唔好食。买咗牛肉饭卷，40几蚊有少少贵，有10旧。牛肉唔算多，仲有生菜、蛋、蟹柳、红萝卜、丑萝卜。虽然整好系枱面，但d紫菜唔会淋晒，个饭卷几好食。食到d牛肉都ok，其他配料味道都够，有麻油香味，饭唔会放到硬晒。鱼糕，$20两旧，唔算太大旧，可能都算有d贵。不过热辣辣即整，个鱼糕好香，而且算厚，最紧要个汤好浓好香，值得饮埋。值得再去试埋其他食物，支持小店。