影片
更多
2019-09-09
133 浏览
又黎尖沙咀韩国街揾韩国嘢食，见到呢一间似乎系新开嘅餐厅，入嚟试吓。我地嗌左韩式薯泥比萨批，韩式牛肉拉面，韩国传统金便当，真露蜜桃泡泡汽酒，韩国甜米水。唔驶等好耐好快就已经有得食，第一样食嘅就系韩式薯泥比萨批。好贴心啊，侍应拎个嘢食上嚟嘅时候仲提我地好热要小心啲唔好掂到个柄。不愧为呢度嘅招牌菜我觉得薯泥Pizza十分之好味同埋有新意。传统嘅Pizza可能个饼底会做得比较硬，但系呢一个薯泥Pizza系淋身嘅，一来可以试到Pizza材料同薯仔嘅配搭二来可以试吓另一个口感嘅Pizza，真系好有惊喜。第二样上嚟嘅嘢食就系韩国传统金便当，入边有齐晒韩国传统嘅便当嘢食，包括白饭鱼，午餐肉当然唔少得泡菜同辣酱。不过要提醒大家一句，呢一个便当因为有辣酱嘅缘故好辣，钟意食辣嘅朋友，如果食呢个你会好开心。😂韩式牛肉拉面系辛辣面加咗其他配料，面够晒弹牙，比起我自己系屋企煮嘅辛辣面实在好食太多。😂嘢饮方面冇得弹呢两个嘢饮都十分之推介。第一个蜜桃泡泡酒，一啲酒精味都冇。完全系好似饮紧蜜桃味汽水咁，非常之容易入口。而且店员会拎两个小小嘅烧酒杯过嚟，我觉得自己好似处身系韩剧咁。另外呢个韩国甜米水，之前每一次去汗蒸幕都
唔驶等好耐好快就已经有得食，第一样食嘅就系韩式薯泥比萨批。好贴心啊，侍应拎个嘢食上嚟嘅时候仲提我地好热要小心啲唔好掂到个柄。不愧为呢度嘅招牌菜我觉得薯泥Pizza十分之好味同埋有新意。传统嘅Pizza可能个饼底会做得比较硬，但系呢一个薯泥Pizza系淋身嘅，一来可以试到Pizza材料同薯仔嘅配搭二来可以试吓另一个口感嘅Pizza，真系好有惊喜。
第二样上嚟嘅嘢食就系韩国传统金便当，入边有齐晒韩国传统嘅便当嘢食，包括白饭鱼，午餐肉当然唔少得泡菜同辣酱。不过要提醒大家一句，呢一个便当因为有辣酱嘅缘故好辣，钟意食辣嘅朋友，如果食呢个你会好开心。😂
韩式牛肉拉面系辛辣面加咗其他配料，面够晒弹牙，比起我自己系屋企煮嘅辛辣面实在好食太多。😂
嘢饮方面冇得弹呢两个嘢饮都十分之推介。第一个蜜桃泡泡酒，一啲酒精味都冇。完全系好似饮紧蜜桃味汽水咁，非常之容易入口。而且店员会拎两个小小嘅烧酒杯过嚟，我觉得自己好似处身系韩剧咁。另外呢个韩国甜米水，之前每一次去汗蒸幕都一定会叫呢一个嘢饮，估唔到喺香港呢度都可以见到，推介推介。
除咗有韩国嘢食之外，店员都系真韩国oppa，由oppa黎招呼客人，真系可以满足到客人嘅幻想。
张贴
