新吉洞激辛辣麵 (已結業)

朋友话我知呢间野之前被杂志访问过，电视又介绍过，所以叫我同佢一齐去试下，我最钟意就系试新野架喇！间野其实系女人街尾尾，但都揾到我同朋友身水身汗！间野唔大，一眼睇哂，我谂坐到20人到！有一个细细既玻璃KITCHEN望到师傅系度煮野食！入面得一个女待应，但都够了！朋友之前已望过其他食评，所以一眼锁定一定要叫辣海鲜汤面同炸辣鱼串年糕，但当然我呢D大哂鬼一定要叫多几样，我叫左炸泡菜饺子同蜜桃鲜奶！D食物好快就上台，但系新鲜热辣的，个炸辣鱼串年糕同炸泡菜饺子一D都唔干，唔似翻炸，或者就算佢真系翻炸，呢个都系炸得好好食..前者个鱼串配年糕比想像中更夹，一啖咬落去烟烟轫轫，佢面仲淋左D甜甜既自家制酱汁；仲洒上D辣粉同葱粒，好野味！而个炸泡菜饺子本身辣辣地，佢入面好多泡菜同粉丝，附上既酱汁应该同年糕面上既是一样的！同样好吃，其实呢个唔太食得辣既应该都食到的！我同朋友唔算食得超辣，所以叫左2级辣既海鲜汤面，佢最大系4级好似...不过都好辣！但无损佢好食程度..佢D面中粗度，又系烟烟轫轫...入哂味既面真系好好食，饮埋佢D汤真系够唒刺激！但佢配既海鲜就唔多吸引，我唔食青口的，鱿鱼亦不是我喜好，但佢料真系俾