The Joomak (已結業)

去左转韩国番黎，已经完全地爱上左韩食，番黎之后唯有望梅止渴，去黎间食开既韩国餐厅～上枱时冷面烟雾四出，犹如仙气一样，估唔到冷面都可以咁吸睛xd先将冷面放入碗中，再加入自选酱汁，然后同牛肋骨､泡菜､水梨､青瓜及糖心蛋等等一齐享用，口感丰富，酱汁令人更开胃，面球比较大，可以分两次食。韩牛伴饭，每次食开韩食最中意就系佢地既伴饭，多蔬菜之余又有辣酱调味唔会寡，食落去既健康又美味，不过呢间既伴饭的确太贵了..伴饭精髓就系紫菜！加左紫菜之后，口感同味道简直两个唔同世界，味觉升华起码三倍XD所以我咁中意食伴饭系有原因~~青柠牛油果麻药炸鸡，炸鸡沾满牛油果同青柠酱汁，而每件炸鸡都相当大件又抵食，食落去味道偏酸，青柠味较浓，而且酱汁好容易沾到面上，炸鸡外脆内软，芝士粉做到调味升华作用，不过相对上牛油果味道完全被覆盖，呢方面希望有更好既改进～水果柚子茶，同冷面一样上枱时有烟雾效果，所以大家影相都要影到及时！价钱相对上贵，但呢个份量足以令二人饮上两杯，而且同样系仙气之选～柚子茶包括有柚子、柠檬、士多啤梨同薄荷叶，柚子同薄荷叶都可以去油腻感，食炸鸡既时候就要饮番杯，淡淡柚子香，加上酸酸甜甜口感，清新开胃。