浦井韓食居酒屋 (已結業)

ISquare一向都食肆临立嘅集中地，今次去到呢间韩菜非常有名嘅餐厅，满足一下食肉兽嘅胃口。餐前主推韩烧，所以都有午市晚市嘅套餐，而我地就先叫左呢客韩牛拼盘，牛舌、肉眼、小牛排、腹胸肉。薄切嘅牛舌方便咀嚼，亦不失爽口嘅口感，牛腹胸肉有著雪花脂肪点缀，烧起嘅时候自然更有香味; 而肉眼可谓整晚精华所到，选料非常靓，先将6面嘅表面封煎锁紧肉汁，切成薄片再放上炉上烧，牛嫩肉香嘅感觉非常浓烈。而炉火旁边嘅滑蛋，有原味同泡菜两个口味，流心嘅蛋浆令人不可抗拒。除咗韩烧之外，我地仲要左一客海鲜豆腐汤，用料非常多，包括有青口、鱿鱼圈、鲜虾等材料，所以汤水必然系鲜甜味美，值得推介。