同仁四季音樂主題餐廳 (已結業)

一班茂利好有耐性喺某酒楼等咗个几钟先醒觉， 已经八点几， 系时候转场了 ， 在附近揾咗呢间食台湾菜的音乐火锅落脚，听著live band 叹火锅感觉很不错， 但注场歌手仍须努力练好啲歌艺。小菜选择少， 价钱又贵， 反而火锅八点半后入席部分火锅料可获半价优惠， 那就火锅吧。自己混酱服务员介绍椰子鸡锅， 一试无妨的心态, 反正毫无准备下入黎食。椰子鸡锅以三个椰皇加一个椰青做汤底， 用鲜椰汁用5分钟把鸡浸熟， 鸡肉嫩滑带椰子的清香， 鸡嘅肉质结实有咬口， 新鲜鸡质感， 好吃，食完鸡就当然饮番碗椰子鸡汤先再打边边啦。其他火锅配料都系大路嘢，无咩评价可言,  质数平均 ，牛肉有啲贵， 用椰子汁做汤底焯食物，清香甜美， 感觉冇咁油腻， 不错的选择。一班朋友坐得舒舒服服倾吓计， 兼有真人唱歌畀你听， 餐厅楼底高 ， 枱与枱之间阔落 ， 冇嘈吵的感觉， 大家食得饱饱的连饮品埋单每人唔使$200， 作为中途转场的餐厅， 冇拣错。