Wavy Bar & Restaurant

营业中

休息中

多谢朋友介绍，揾到呢间隐世音乐酒吧，好肚饿，一坐低即刻叫咗黯然火焰䐁、芝士卡邦尼、泰式猪颈肉，全部食物都好味道，火焰豚上菜之后即时用火烧，非常juicy，味道似蜜汁叉烧但油脂比例较高，所以令到质感更加嫩滑丰富，肥瘦肉分布平均加上特制酱汁好好食，香煎猪颈肉表皮微脆，十分惹味，我个人最中意佢个泰式辣汁，酸酸地辣辣地但绝不呛喉，真心似泰式地道风味，芝士卡邦尼则有拉芝效果，忌廉汁同芝士系完美配搭哈哈，烟肉蘑菇份量多，同朋友两个人share都超饱❣️特色饮品推介鸡尾酒Double Berry，杂莓味酸酸甜甜好易入口，职员超级好人，知我唔想饮酒精，但系想饮士多啤梨嘅饮品，于是特制咗杯类似士多啤梨smoothies既比我，有士多啤梨忌廉做topping，浓郁甜味，啱晒我心水❣️大赞呢个场劲多野玩，beer pong,stack cup,掷镖，live band有齐晒，连闲日都有jamming,观众仲可以上台唱添挑战下自己，好好玩，成个气氛都好fun，高质👍👍