星巴克咖啡

营业中

休息中

童年回忆如果响小编黎讲，享用某个老牌子既三色雪糕 (家庭装)绝对系其中1个选择：一来当打开雪糕盖后就可以豪爽既用匙羹勺出黎食，二来同时有3种味道既雪糕集中埋一齐，咁就可以独立食又得﹑混埋食都得。经过Starbucks见到佢最新推广系用上士多啤梨﹑云尼拿同朱古力3种配搭而成既拿坡里星冰乐，就算系早餐既时间就忍唔住想去试试。今次既拿坡里星冰乐并唔会有咖啡既成份，咖啡师会先响底层加入大量既朱古力酱，之后再用云尼拿及冰打成沙冰 - 可能你会见到咖啡师只系倒一半既沙冰响杯内，何解？因为咖啡师会再加入含有果肉既士多啤梨酱，之后再轻轻打多次沙冰，咁样就可以令士多啤梨沙冰层保留响表面。再加入窝夫筒脆脆增强口感后，星冰乐就完成喇!响打卡既角色黎讲，佢又真系做到3个颜色层次既效果，相信响阳光下影出黎都会几锐利；至于味道上可以先将底层既朱古力与云尼拿搅拌一下，否则云尼拿沙冰的确会几淡口。而饮既过程可以部分时间饮上面既士多啤梨沙冰，咁就可以甜甜既及微酸既沙冰都同时饮到，效果就好似以前食紧三色雪糕既感觉。综观黎讲，虽然特大(Venti)装既价钱都要$51，但作为炎热天气下既享受，价钱上都还可以既。